Endring oppdrettslokaliet Tepstad

Sjøtroll AS søkjer løyve til endring av anlegg på eksisterande oppdrettslokalitet for laks og aure 13644 Tepstad i Osterøy kommune. Søknaden gjeld justering av anlegg og endring frå firkantbur til ringer. Området er i kystsoneplanen avsett til akvakultur. Rådmannen tilrår godkjenning under føresetnad av utvidinga er i samsvar med gjeldande kystsoneplan og at fastsette vilkår for støy og forureining vert haldne.  

Endring utbyggingsplan Loftås

Framlegg til endring av utbyggingsplan for Loftås tomtefelt del B1, B2 og B4 vedteke i HS sak 20/07, 23.05.07, gjeld for følgjande område og føresegner:

Samanslåing av to delfelt ( tomter ) , B4 1 og 2 for betre terrengtilpassing. Nytt feltnamn er B4 1.

Endring av tilkomstveg til gnr 1, bnr 4, i B1, eksisterande bustad

Endring av planføresegn i deler av §3.4

Nytt føresegn § 3.8. fastsetjing av bruksareal under terreng

Tilegg i føresegn § 2.6, vedrørande parkeringsløysing for B4-1.

Føremålet med endringane er i hovudsak betre terrengtilpassing.

Tiltakshavar er Eiendomvest AS.

 Redusert fartsgrense Hallandsflaten

Kommunen har motteke skriv frå bygdefolket om behov for trafikksikringstiltak på Småland - Halland. Strekninga gjeld rv 567 mellom Valestrand og Hauge. Det er og vedlagt opprop med underskriftkampanje.

Det vert peika på at dette er skuleveg for Hauge skule. Vegen vert og i stor grad nytta til turgåing og til arbeidsplassane på Hauge mellom anna Osterøytunet.

Det har og vore fleire ulukker på strekninga

Bebuarane bed at det vert bygd fortau med god belysning. I tillegg må fartsgrensa setjast ned til 60 km/t.

Rådmannen tilrår at kommunen i første omgang søkjer om nedsett fartsgrense til 60 km/t.

Støtte til Osterøy bygdebok

Kommunen har tidlegare vedteke støtte til arbeidet med Osterøy bygdebok ut året 2010. Bygdeboknemnda står ansvarleg for arbeidet med boka, medan kommunen har dekka kostnaden med pensjon og arbeidsgjevaravgift for forfattaren. Det viser seg no at det trengst lengre tid med bind 2 og nemnda søkjer difor om forlenga avtale for 8 mnd. i 2011. Bind 2 skal etter planen gjevast ut hausten 2011. Kommunen har til no hatt ein kostnad på litt over kr 700.000 og for perioden 2010/2011 vil kostnaden utgjera knapt kr 300.000. Rådmannen tilrår forlenging som omsøkt slik at arbeidet med bind 2 kan fullførast etter planen.

Saksliste/dokument

Du kan lesa meir om desse og dei andre sakene på sakslista ved å klikka på fila under.