Landbruksavdelinga hos Fylkesmannen i Hordaland har no laga eit notat som tek føre seg landbruksavdelinga sin strategi for utvikling av nye gardstilknytta klyngetun i fylket. Landbruksavdelinga vil leggje til rette for heilskapleg planlegging av nye kombinerte gards- og bustadtun. Dette inneber bygging av fleire bustadhus og eventuelt andre bygningar i nær tilknyting til eksisterande gardstun. Fylkesmannen vil setje krav om at det utarbeidast reguleringsplan for slike tun som ikkje er i samsvar med overordna plan, og vil ikkje akseptere at klyngetun vert handsama som dispensasjonssaker etter plan- og bygningslova.

Stortingsrepresentant Hilde Lydvo opna NAV Osterøy 19 juni. I staden for å klippe snora i to, knytte ho to snorer saman, som eit symbol på at sosialtenesta og Arbeids og velferdsetaten i Osterøy no er gått saman i NAV kontoret.

Lydvo gav stor honnør til dei tilsette i Osterøy for det dei allereie har fått ut av samarbeidet. Vi ser med dette at det er mogeleg å få til nye løysingar og samarbeidsformar.

Ho utfordra alle medarbeidarar i NAV til å sjå menneska og deira moglegheiter. – Saman med næringslivet må vi finne ein måte å utnytte den arbeidsevna den enkelte har, sa ho og skrytte av det lokale næringslivet på Osterøy.