Opplæring i nynorsk og bokmål
Alle elevar skal ha opplæring i bokmål og nynorsk. Det vil vere nokre unntak frå denne regelen, dersom ein elev har eit anna skriftspråk enn norsk.
Går du på skule i ein nynorskkommune?
Elevar på 1. til 7. trinn skal i det skriftlege arbeidet bruke det skriftspråket som kommunen har vedtatt som hovudmål for skulen.Men foreldra dine kan velje at læremidla skal vere på bokmål.
Frå og med 8. trinn kan du sjølv velje om du vil bruke nynorsk eller bokmål i det skriftlege arbeidet og at læremidla dine skal vere på bokmål.
Viss de er 10 eller fleire elevar på 1. til 10. trinn som ønskjer å bruke bokmål som skriftspråk, kan de krevje å få opplæringa på bokmål i ei eiga gruppe.
Går du på skule i ein bokmålskommune?
Frå 1. til 7. trinn skal du bruke bokmål i det skriftlege arbeidet på skulen. Men foreldra dine kan velje at læremidla skal vere på nynorsk.
Frå og med 8. trinn kan du sjølv velje om du vil bruke bokmål eller nynorsk i det skriftlege arbeidet og at læremidla dine skal vere på nynorsk.
Viss de er 10 eller fleire elevar i 1. til 10. trinn som ønskjer å bruke nynorsk som skriftspråk, kan de krevje å få opplæringa på nynorsk i ei eiga gruppe.
Målgruppe
Elevar i grunnskulen.
Lover
Dette er ei lovpålagt teneste. Sjå spesielt:
Korleis få utført eller motta tenesta
Retten til å velje sitt hovudmål og retten til å få opplæring i eiga gruppe er ein generell rett som du ikkje treng å søkje om. Meld frå til rektor at du ønskjer å få læremidla på ei anna målform enn kommunens vedtekne hovudmål.
Klagemoglegheit
Skulen fattar ikkje enkeltvedtak i samband med tilrettelegging for bokmål/nynorsk. Det er derfor ingen formelle klagemoglegheiter. Viss du meiner du ikkje får oppfylt dine rettar til målform, kan du kontakte skuleleiinga.