Informasjon om asfaltering i Mjelddalen og Vesetgjelet

Vi ynskjer å informere om at det i samband med vatn og avlaupsprosjektet som har pågått frå Mjelddalen til Espevoll vert asfaltering der grøftetraseen har gjort inngrep i vegbana veke 43 (23. – 27. oktober).

I Mjelddalen er det partivis heile vegbana som skal asfalterast opp igjen, og framkommelegheita vert dårleg, gjerne med vegstenging i inntil 2 timar. Det er fleire parti oppover frå ca. hus nr. 169 og opp til øvste svingen før Ambogen. Arbeida i Mjelddalen er planlagt frå måndag til onsdag, 07:00 til 15:00, med mogelegheit for forlenging eit par timar utover ettermiddagen. Vi oppfordrar då trafikkantar til å nytta omkøyringsveg via Kvisti medan arbeida pågår.

I Vesegjelet/Kolabakken vert det også asfaltering same veka. Her er arbeida planlagt gjennomført onsdag og torsdag, 07:00 til 15:00, med mogelegheit for forlenging eit par timar utover ettermiddagen. Her vil det alltid væra ei køyrebane open, men det vert manuell dirigering, og kan bli venting/stenging i inntil 15 minutt.