Influensa

Har du fastlege i kommunen?

• Då kan du få både influensa- og koronavaksine hjå fastlegen din dersom du er anbefalt å ta desse vaksinane.
• Bestill vaksinetid (etter veke 42) ved å senda elektronisk timebestilling "timeønske" gjennom helsenorge.no/app, eller ring ditt legekontor for å avtale tid. Gje beskjed om du vil ha ei eller begge vaksinane.

Har du ikkje fastlege?

• Om du ikkje har fastlege, og er anbefalt vaksine, kan du få influensa- og koronavaksine på Osterøy helsestasjon.
• Ta kontakt med helsestasjonen på tlf. 45374506.

Barn og gravide

• Kan få vaksine på helsestasjon.  
• Ta kontakt via Helse Norge, eller på telefon 45374506.

Pris:

Det kostar 250 kr å få influensavaksine.

Tilsett i Osterøy kommune?

• Alle tilsette i kommunen får tilbod om gratis influensavaksine. Desse får eigen informasjon internt. 

Kven bør ta influensavaksine?

FHI anbefaler desse gruppene å ta influensavaksine: 

• Alle frå 65 år
• Gravide etter 12. svangerskapsveke (2. og 3. trimester). Gravide i første trimester som har annan tilleggsrisiko skal også få tilbod om influensavaksine.
• Prematurt fødde barn, særleg barn fødd før veke 32 i svangerskapet, frå 6 månader til 5 år.
• Barn og vaksne med:
  • Diabetes type 1 og diabetes type 2
  • Kronisk lungesjukdom, hjarte- og karsjukdom, leversvikt eller nyresvikt
  • Kronisk nevrologisk sjukdom eller skade
  • Nedsett immunforsvar
  • Svært alvorleg fedme (kroppsmasseindeks over 40)
  • Annan alvorleg eller kronisk sjukdom som legen din meiner kan gjere deg ekstra utsett ved influensa

FHI anbefaler i tillegg vaksine til desse gruppene:

• Helsepersonell og andre tilsette med pasientkontakt
• Personar som bur saman med (eller tilsvarande nære) immunsupprimerte pasientar
• Svinerøktarar og andre som har regelmessig kontakt med levande grisar
• Saneringspersonale og andre som jobbar med mistenkt eller bekrefta influensasjuk tamfugl.

Trykk her for å lese meir om influensavaksinen på Folkehelseinstituttet sine sider.

Vaksinering på apotek

Apoteka tilbyr influensavaksine både til deg som er i ei risikogruppe, og til deg som ikkje er det. 

Koronavaksine

Ønskjer du oppfriskingsdose med koronavaksinen?

Trykk her for meir informasjon om koronavaksinering.